Atuagaq ”Maliina Nuummiuaraq” pisimasulersaarutaavoq Nuummi pisimasuinnik tunngaveqarluni.
Uagut utoqqanngortugut meeraanerput qiviarutsigu taamani meeqqat mikisut isumassarsiorpallaanngitsutut qiviarneqartarnerat atuakkami illuatungilersorpara. Tassami nuannarisimavara meeqqap marlunnik ukiullip pisunut malinnaalluinnaqqissaarnera oqallorinnerujussualu.
Neriuppunga atuagannguaq una paasissutissiiumaartoq meerannguit silatussusiannik tamannalu pillugu pisimasorisinnaasamikkut silatuumik eqqissisimasumillu perorfeqartariaqarnerannik.
Atuakkami alutornaqisunik assiliartalersuisuuvoq Kristian Keto Christiansen. Qalipakkat katillugit 18-iupput.