Meeqqat inuusuttullu Kalaallit Nunaanni nutaaliaasumi inuuniarnikkut atugaat ineriartornissamullu periarfissaat uani allaaserisani katersani sammineqarput. Allaserisani 23-usuni allaaserinnittut 25-t Kalaallit Nunaanni inuiqatigiinni ineriartorsimanerup nunami meerartasunut inuusuttaasunullu qanoq kingunerqarsimanera isumaginninnikkut pissutsit naalakkersuinikkullu paasinnittaaseq ullumikkut atuuttut aallaavigalugit paasissutissiaraat.
Qulequttat assigiinngeqaat, allaaserisallu ilisimatusarnernik nutaanerusunik misilittakkatigullu ilisimalersimasanik tunngaveqarput.
Allaaserisat katersat saqqummersinneqarneranni anguniagaavoq meeqqat inuusuttullu atugaat pillugit paasissutissatigut iliuuseqarnissamullu pitsaanerusunik tunngavissiinissaq. Taamaammat atuagaq ilinniartunut, suliamik ilinniagalinnut, qinikkanut soqutiginnittunullu allanut meeqqanut inuusuttunullu attuumassutilinnik sulialinnut annertuumik soqutiginaateqarpoq.