TrapKalaallit Nunaat
Trap Kalaallit Nunaat Kalaallit Nunaanni pinngortitaq nunamilu pinngortitaq, oqaluttuarisaanera, kulturia, inuiaqatigiinnut inuussutissarsiornermullu tunngasut kiisalu illoqarfiit nunaqarfiillu pillugit annertuuunik takussutissinneqarluartunillu sumiiffinnut tunngasnunut ilisimasaqalersitsivoq. Pingaartumik kalaallit ilisimatuut immikkullu ilisimasallit katillugit 87-it Kap Morris Jesup-imiit Uummannarsuarmut aammalu Qaanaamiit Danmarkshavnimut pingaarnerpaat pillugit atuakkamut matumunnga ilisimasaminnik tunniusseqataapput.
Kalaallit Nunaat 2.5 mio. km2 pallillugit nunaminertaqarluni aammalu 56.000-it missaannik inoqarluni nunarsuarmi qeqertat annersaraat aammalu nunarsuarmi sumiiffiit inukinnersaralugu. Nunap sannaata pileriartuaarsimanera paasisaqarfigiuk, aammaluSermersuaq aakkiartornerata nunarsuullu kissatsikkiartornerata malitsigisaannik nunani tamalaani soqutigineqariartuinnartoq pillugu atuarit. Qeqertarsuup Tunuani iluliarsuit asseqanngitsut tunuliaqutaat paasiuk, aammalu nunaqarfinnut mikisunut avinngarusimasuniittunut imminullu pilersortunut qimusserit imaluunniit qamuteralannik ornigugit. Illoqarfiit pingaarnersaannut Nuummut illoqarfinnullu allanut kitaata sineriaata kujasinnerusortaaniittunut ilaagit. Tamaannga danskeq-norgemioq ajoqersuiartortitaq Hans Egede 1721-mi tikippoq, tassanngaanniillu danskit nunasiaateqarnerat, inuit kulturiannut annertoorujussuarnik sunniuteqartoq, aallartippoq. Nutarterinissap ilungersuutigineqarnera, avissaarnissamik kissaateqarnerit, rockinik nipilersortartut Sumekkut sunniuteqarsimanerat aammalu 1979-imi aamma 2008-mi innuttaasut taasitinneqarnerat Kalaallit Nunaata namminersulerneranik kinguneqartoq, pillugit atuarit. Aamma assersuutigalugu qilaatersornermik kulturikkut ileqqoqarneq soqutigineqaqqilersimavoq aammalu kulturikkut kingornussanut tigussaanngitsunut UNESCO-p nunarsuarmi kingornussanut allattuiffianut ilanngunneqarnera paasisaqrafigiuk. Trap Kalaallit Nunaata pingaarnerpaat ilannguppai. Naliginnaassuunerpaaniit immikkuullarinnerpaanut.
Kalaallit Nunaat paasiuk - Trap peqatigalugu.