Allanneq!
Inuinnaasunga ukiorpassuit allatuulli inoqatitulli atortsaateqarsorivunga kisianni sunaaffa allaniit misigisakka oqimaannerulluinnarsimasut, paseqqaarakku inuit akornanniisinnaajunnaavippunga misigilluinnalerpunga inoqatinnut misigisakka oqaluttuarisaqattaarnissai oqimaappallaassasut taamaattumik sivisuumik nammineerlunga timinnut toqqoqqajuareerlugit qasulluinnalerama imminut toqqagassippunga.
Toqqagassakka marluupput siulleq naggataavimmik imminut annaaniarlunga allanneq nukissaqarnerpungami allannissannut ? Tullia toquinnaruma pitsaaneruvoq! Taamatut misigisaqartuassuunga meeqqakka perorunik aamma meeqqama misigisakka aqqusaartussaavaat, qasuvunga ikiornissaqanngilanga nunarsuarmiikkunnaallaruma!
qaammatialuit toqqagassakka eqqarsaatigaakka, aaliangerpungalu naggataamik imminut annaaniarlunga allattariaqarlunga, qujanartumillu siulleq qinersimagakku allareerlungalu misigilerpunga inuunera kikkunnit tamanit erlinnarnerujussuusoq, uanga nammineq inuuninni misigisakka ilinnut tunniutilerpakka apeqqutaaginnarporlu illit aamma uattulli ineriartoqqissanersutit ilikkagaqarluassasutilluunniit.
ATUARLUARIUK!