Qullissat matusaapput oktoberip sisamaanni 1972.
Taama naatsigisumik soqqusaappasitsigisumillu Ministeriet for Grønland nalunaaruteqarpoq ulloq taanna aamaruutissarsiorfimmi Qullissani inuit kingulliit aallarmata illoqarfillu inuerullugu. Qullissat inuerutitaanerata kingorna Kalaallit Nunaata inunnik eqiterititsinermik politikki qimappaa. Pisimasoq aalassassutaaqigami politikikkut kalaallit eqiiallaatigisorujussuuvaat. Nunasiaanermut nunasiaanermilu ileqqulersuutit akerlerineqaraluttuinnarput naalakkersuinikkullu nammineernerulernissaq siunniunneqalerpoq.