Unnuaq anorersuartorsuusoq Ronja aamma Birk inunngorput, tassaappullu tillinniartartut imminnut unammiuartut marluk naalagaasa meeraat.
Ullut atoruminaammata tillinniartartut taakku tillinniat illussaarsuanni immikkut inissillutik toqqorfeqalersimapput, illussaarsuarlu taanna meeqqat inunngorfianni unnuami kallersuup avitippaa. Avinnersuaq pinngortoq akulloqqunneqarsinnaanngilaq, aatsaallu meeqqat allilaareersimalereerlutik imminnut naaperiasaarput. Ikinngutigiillualerput, marluullutillu illussaarsuap kaajallallugu orpippassuit isertorlutik misissortuuaat. Marluullutik angajoqqaamik tillinniatut inuunerat immin""u akeqqersimaarnerat ingerlateqqikkusunnagu paasivaat, upernallu ilaanni nannut inikuannut qaarusummut marluullutik nuupput. Taamatut angajoqqaatik tillinniatullu inuunerup qimannerani allatut inuuneqarnissamik toqqaasinnaanermut piginnaassuseqarniarneq pissarsiaraat, tillinniaqatigiillu marluk ataatsimuulernerinut peqataaqataallutik.
Atuagaq oqaluttualiavissuuvoq - tassaniipput pitsaasup ajortullu akornanni ajugaaniunneq, orpippassuarmi ilisiitsut torullillu, meeqqat angajoqqaaminnit qimanitsiniarnermik ilungersunartumik aqqusaariniartut, minnerunngitsumilli ikinngutigiinnerup asannileriartornerullu nuannerluinnartumik oqaluttuarinera. Meeqqanut atuagaq/atuffassissutissaq meeqqanut 8-10-nik ukiulinnut naleqquttoq. Atuakkiamik tiguartinnartumik Astrid Lindgren atuakkiortuuvoq. Suliffeqarfiit/atuarfiit Inerisaavikkut videofilmi Ronja Røverdatter tassungalu suliassanut mappi atorsinnaavaat.