Atuagaq "Sara Louisa kammattaarpoq" niviarsiaqqat marluk, kalaaliaraq Sara Louisa aamma qallunaaraq Tina pillugit oqaluttuaavoq. Atuakkami pineqarput ikinngutigiinnermut, kalaallit ileqquinut aamma kulturit marluk naapinnerannut tungasut. Sara Louisap ulluinnarni silarsuaa aallaavigalugu oqaluttuaq ingerlavoq. Ullulli ilaanni Tina Danmarkimiit Nuummut nuuppoq, niviarsiaqqallu taakku naapipput kammagiilerlutillu. Kammagitt misigisaat eqqumiissinnaasut, tissinarsinnaasut eqqarsartitsisinnaasullu oqaluttuami atuarsinnaavatit.
Atuakkap imai inuttut inerikkiartornermi aamma kalaallisut qallunaatullu atuartitsinermi ilikkagassatut anguniagassanut tulluartuummata atuartitsissutini taakkunani atuagaq sammissallugu piukkunnartuuvoq.