Aalisartoq piniartoq Ove Rosbach inuuvoq 27. november 1910 Oqaatsuni, toquvorlu 18. april 1996 Ilulissani.
Tunup Avannaarsuani ilisimasassarsiortoqarnerani qimussersaavoq 1938-39mi. Ilisimassarsiorneq umiarsuartik atsiullugu taaneqartarpoq "Gamma ekspedition". Taamani ilisimatuut assigiinngitsut tallimat ukeeqataapput radiolerisoqarlutillu. Kalaallit pingasut qimussersaasut tassapput Aataputa Sakæus Sandgreen Akunnaarmiu, Eli Kristiansen Iluliarmiu Ove Rosbachilu Oqatsormiu. Elisimatusarnermi pisortaavoq arkæolog Eigil Knuth.
Ove Rosbach 1989mi Dronning Margrethe 2,mit saqqarmiulerneqarpoq ima atilimmik: Den Kongelige belønningsmedalje med Krone