"Suluppaakkat toqungasut suli tassaniipput, aatsaqqasut isaallu anillassimasut. Imaani sumi tamaaniipput, kangerlummilu sermip iigartartup saavani kassut qaavaniillutik.
Helikopterimi ilaasut sermip iigartarfia qaangerlugu timmut ingerqqikkamik tatsit pingasut Narsap Sermiata killinganiittut allanngorsimaqisut takuaat."
Silap pissusiata allanngoriartornerata sunniutai Issittumi erseqqinnerpaapput. Allannguutit Issittumi pinngortitamut tamaanilu pinngortitami inuusunut pinngortitamillu inuuniuteqartunut qanoq isumaqarpat?
Ilisimatusartartut sulliviannut nutaanillu ilisimasassarsiorfiannut - Nuup Kangerluanut - tikilluarit. Misissuisarnerit peqqutaallutik Nuup Kangerlua Nunarsuarmi Issittup kangerluinit tamanit misissugaanerpaanngorsimavoq.
Ukiut qulit ingerlaneranni kangerlummi misissuinerit inerneri paasissutissat annertoorujussuit ilaat immikkut sammillugit manna aqqutigalugu oqaluttuarineqarput.
Nuup Kangerluani uumasussillit ataqatigiinnerannut tunngaviliisoq takuneq ajugarput pineqarpoq. Kangerlummi sermit iigartartut aalisagaqassutsimut aalajangiisuunerat pineqarpoq, tassunga ilaallutik immap sikuata pumpitullusooq CO2-mik pilersuinera, saarullippassuit, arferit 30 tonsitut oqimaatsigisut, aammalu immap naqqani uumassusillit amerlanerit takorloorsinnaanngisaat.