Sulisartoqarneq eqqartorneqartillugu Jess G. Berthelsen eqqaanngitsorneqarsinnaanngilaq. 1980-ikkut naajartorneranniit ullumimut inuiaqatigiit kalaallit akornanni pissakinnerit atorgarliornerillu pillugit qasusuinnerpaalluni sorsuuteqartuuvoq. Kalaalit ataqqineqarlutik immikkoortitaanatillu pineqarnissaat anguniarlugu suliai nalisiuminaapput. Sulisartut peqatigiiffeqarnerat kattuffeqarfeqarnerallu ukiuni suleqataaffimmini aaqqissuussivigaa sulisartoqarneq tamaat eqqarsaatigalugu toqqissisimanermik atugarissaarnerulernermillu kinguneqartumik. Sulisartut kattuffiat SIK iluarsaateqqippaa inuiaqatigiinni kalaallini avaqqunneqarsinnaanngitsumik inissisimalersillugu.
Atuakkami matumani Jessip ilaqutariinnikkut tunuliaquttani inuttullu pingaartitani oqaluttuarai, minnerunngitsumillu aamma sulisartoqarnerup iluani ukiorpassuanngortuni naapittakkani anguniarsimasanilu isertuaatsumik saqqummiussuullugit.
Atuagaq Jess G. Berthelsenip ukiuni 30-ni ataannartumik SIK-mi siulittaasuusimaneranut nersorinnissutitut suliaavoq, aammali inuiaqatigiit kalaallit namminersuleriartornermut ingerlanerisa oqaluttuassartaanik pingaarutilimmik takussutissiilluni.