Qileroq inuiaqatigiit katuuliusut ukiut 1300-kkut nalaani Kalaallit Nunaata kujataani inuusimasut, inuunerat, upperisaat upperisarsiornerallu pillugit oqaluttuaavoq.
Oqaluttualiami inuttaasut qatanngutigiit Bjørg aamma Thorleif qatanngutigiinnertik uppernarsarumallugu assammikkut ikileriarlutik aatik akuleruppaat. Qatanngutigiit inersimasunngoramik aappanipput meeraqalerlutillu. Bjørgip uia Kalaallit Nunaata avannaanut aaffanniarniarluni skrællinginillu niueqateqariartorluni aallarpoq. Niueqateqarneq iluatsilluarmat skrællingit kissaateqarput arnartamik ilaannik atoqateqassasoq. Bjørgip uia sissarluttumut utereerluni assut uggualerpoq, Bjørgilu toqungasunnguamik meerartaarmat allalerisimanini nassuerutigaa.
Garder, Kalaallit Nunaata kujataani biskoppeqarfiusimasoq Norgemut atammat Kalaallit Nunaanniittut Norgemiut biskoppiunerannut, Norgemut kunngiannut Norgemi illoqarfimmut niuerfigisartakkaminnut skrællingit akiliuteqartarsimapput. Bjørg aamma Thorleif, taassumalu nulia Gudveig Bergenimut aallarput, angalanerallu Kalaalli Nunaanni qallunaatsianut ajorluinnartumik kinguneqarmat Bjørgip Thorleifillu qatanngutigiittut imminnut uppernarsaavigeqatigiissimanerat atuutilerpoq.