Kalaallit Nunaata itsarsuaq oqaluttuarisaanera pillugu atuakkat pingajuanni ukunani, 1700-kkunni Kalaallit Nunaata kitaaniippugut. Sineriak tamanna inuit aamma Norgemiut, Danmarkip naalagaaffianut atasut inulersorapaat. Europamiut arfanniat sinerissap avataani aasaanerani ulapputtaqaat.
"Tunissut"-mi inuit nukappiartaasa ilaat Qajuuttaq, ilagisanilu kangermi nunaqartoq malinnaaffigaarput. Qajuuttaq ilagisanilu aasat ilaanni Nuup kangerluanut pulapput, tamaani ukkusissamik igaliorlutillu qulliliussagamik. Tamaaniitillugit angajoqqaavi nappaammik tunillaassuuttumik kuppinik napparsimalerlutik toqupput. Qajuuttaq qisummik qiperuilluni qajaaraliorpoq, taannalu angajoqqaami ilerrannut illippaa. Qajuuttaq angumi ilaqutaani peroriartorpoq. Inersimalereerluni ilaquttani ilagalugit qeqertarsuup tunuanukarput, tamaanilu arfanniaqataallutik. Taamani ukiitillutik Qajuuttaq aamma Asaleq aaqqiagikkunnaarput, tassami Qajuuttap qajaaraliaa angajoqqaami ilerrannut tunissutigisimasaa, Asallup tuniniarmagu Qajuuttap tamanna kamaatigeqaa, tassami Asallup sumiifimmit illernartuttitamit tillissimammagu. Aasivimmi taseralimmi aaqqiagiinngissutertik aalajangiivigineqassasoq isumaqatigiissutigaat.
Kulturit naapinnerat, ajoqersuiartortitsineq, akiniaalluni toqutsisarneq, taartigiittarluni niuerneq aamma ikinngutigiinneq, "Tunissut"-mi oqaluttuarineqarput. Itsarnisarsiornikkut nassaarineqartut aamma oqaluttuarisaanermi najoqqutarineqartut, piffissami pineqartumeersut, tunngavigalugit oqaluttuaavoq, atuagaq atuakkat imminnut ataqatigiissut "oqaluttuat/fortællinger" saqqummersinneqartut pingajoraat. Atuakkanik ilinniusianik naqiterisitsisarfik ilinniusiorfik aamma sila - Danmarkimi katersugaasivissuup Kalaalit Nunaannik ilisimatusarnermik ingerlatsivia, Danmarks Nationalmusem, qanittumik suleqatigillutik atuagaq saqqummersitaraat.