>>Eqiraarluta inuulluaqquvugut. Anaanaga angajoralu iperarneq sapingajappakka. Majuartarfiit ujaraasut quasarmata napaniarnaqaaq, naak angutip nalusama M / S Diskomut ikaassiusatta tasioraluaraanga, umiatsiaaqqamullu orfaasorujussuarmut ikiniarneq erloqinaqaaq. Issoraanut Agnethe sanianut ingitinneqarpunga. Siffiaaqqavut inissaqaqqarput. Nipaaqaagut ilumoorsaarlutalu, anaanavut majuartarfiit sinaakkutaani sallersaapput, uangalu anaanaga toqqarlugu isigaara, eqqarsarlunga sooq aallartinneraanga.<<
Helene 7-nik ukioqarpoq, meeraqatini kalaallit allat 21-t peqatigalugit qallunaatut ilinniariartorlutik 1951-imi Danmarkimut allartinneqaramik. Ukiup aapaa affaq qaangiummat Nuummut uterpoq, tikikkamilu aatsaat paasivaa ilaquttamini najugaqartussaanani, meeqqalli angerlarsimaffittaavanni Dansk Røde Korsip sanatissimasaani. Ilitsoqqussaralugu oqaatsini puigorsimavat meeqqallu angerlarsimaffianni najugaqatinilu qallunaat ileqqui naapertorlugit perorsarneqarput. Taamatut perorsaanermik tunngaviliisuuvoq Benze, meeqqat angerlarsimaffianni pisortaasoq. Tamatumani siunertaavoq kalaaliaqqat innuttaasutut ileqqorrissunngortinnissat nunaqqatiminnullu maligassiuisuunissaat. Meeqqalli nunaminni takornartanngorput.
Qupp. 166
Helene 7-nik ukioqarpoq, meeraqatini kalaallit allat 21-t peqatigalugit qallunaatut ilinniariartorlutik 1951-imi Danmarkimut allartinneqaramik. Ukiup aapaa affaq qaangiummat Nuummut uterpoq, tikikkamilu aatsaat paasivaa ilaquttamini najugaqartussaanani, meeqqalli angerlarsimaffittaavanni Dansk Røde Korsip sanatissimasaani. Ilitsoqqussaralugu oqaatsini puigorsimavat meeqqallu angerlarsimaffianni najugaqatinilu qallunaat ileqqui naapertorlugit perorsarneqarput. Taamatut perorsaanermik tunngaviliisuuvoq Benze, meeqqat angerlarsimaffianni pisortaasoq. Tamatumani siunertaavoq kalaaliaqqat innuttaasutut ileqqorrissunngortinnissat nunaqqatiminnullu maligassiuisuunissaat. Meeqqalli nunaminni takornartanngorput.
Qupp. 166