1973-imi kalaallit rockimik nipilersortartut Sume siullermeerlutik Roskildefestivalimi appipput. Sume-kkullu aatsaat ukiut pingasut matuma siornatigut pileqqaarput 1970-imi, nipilersornermik piginnaanillit angutit inuusuttut marluk Sorø Akademimi naapimmata. Malik Høegh aamma Per Berthelsen Kalaallit Nunaannta Lennon aamma McCartney-ivaat, marluullutillu nipilersuusiormut nunarsuarmiut nuannaarutigeqisaaanik, pingaaruteqaqusunillu kinguaariinnut Kalaallit Nunaanni namminersornerulerusuttunut – aammattaarlumi kinguaariinnut nipilersortalerniartunut. Helle Hellmann 1973-imi Politikken-imut LP saqqummersitaat siulleq saqqummermat naliliivoq: “Sume-kkut uummammiuutitik nipilersuusiorluarnikkut saqqummiulluarpaat”. 1977-imi Sume-kkut Kalallit Nunaannut uteqqikkamik avissaartuupput, ilai politikkikkut piorsarsimassutsikkullu malunnaateqarsimallutik. Sume ullumikkumut ilaanneeriarlutik piffissani aaliangersimasuni appittarput, tusarnaariarluarneqartarlutillu.
Per Berthelsenip saqqummiuppai nammineerluni misigisarnikuusani Sume-kkunniinnermini assinik aviisininngaanneersunillu akoorlugit.