Illinersiorluni ingerlavik

Illinersiorluni ingerlavik

149,95 DKK

(momseqanngitsoq)
Magnus Larsen-mit
Nioqqutissap normua: 9788792823113
Oqimaassuseq:: 0.5 kg
Atuagaq "Illinersiorluni ingerlavik" Maanuup 1931-miit 1963-imut pisimasulersaarutaanik imaqarpoq.

Maanuup meeraanermini piniertukkormiut pissusii nunaqarfimminni itsarsuaaniit nunaqarfimmiut pissaqarniarnikkut aaqqissuussaanerannut tunngasut eqqartorpai. Inummik atsiisarnerup pingaarutai kinaassusermullu sunniussorineqartarnerattaaq isummersorfigaa. Nunaqarfimmiut Kitsissuarsunni pissusii inuuniarnerannullu tunngaviusut nammineq nalimini saqqummiuppai.

Meeqqat atuarfiata piniartussanut naleqqutinnginnera nalerukkani sukkut naleqqutinnginnersoq saqqummiuppaa.

Piniartuujumangaarfimmini avatangiisit sunniinerannik ilinniartussatut naaggaarsimanerminut allannguutit eqqartopai, kiisalu Aasianni Efterskolimi Nuummilu Realskolimi ilinniartuunilersaarnera nuannersorpassuarnik eqqartuiffiuvoq.

Nuummiit Danmarkimut ingerlaqqinnermi ilinniariartorluni Maanooq marlunnik atorfinissutaasinnaasunik soraarummeeruteqarpoq ukuusunik:
1. Haslev Seminariami soraarummeerpoq ilinniartitsisutut 1959-imi.
2. Københavns Universitetimi soraarummeerpoq 1963-imi januaarimi 1. karakteereqarluni Pastoral Seminarieamut danskit palasinngorniat ilagiinni sulilernissaminnut sungiusartarfiannut isissutigisaminik.

1. juuni 1963 Kalaallit Nunaanni palasitut atorfinitsinneqarami 23, juuni 1963 Københavnip oqaluffissaarsuani palasissat ilaat marluk atuaqatigisimasani palasinngortitaaqatigalugit pingasuullutik biskoppimit W. Westergaard Madsenimit palasinngortinneqarlutik oqaluffissarsuarmi inuppassuarnit nalliuttorsiutigineqarput.

Atuagaq palasip Magnus Larsenip Qaqortumi palasitut inissikkallarneqarfianut killeqarallartumik atuakkiaavoq.

Atuagaq oqaluttuarisaanitsinnut tunngalluinnartunik imaqarpoq.